Sin il crest Chischlatsch, denter ils dus Reins, in ord la val Tujetsch e l'auter ord la val Medel sesanflava il casti en possess dalla famiglia da Putnengia.

Igl onn 1818 malegia Ludivig Bleuler la cuntrada da Mumpé Medel cun il casti a Chischlatsch. Igl onn 1870 ei il casti vegnius disfatgs. Tier la construcziun dalla via Chischlatsch, igl onn 1900 entras ils vischins da Mumpé Medel ein diversas parts dil casti vegnidas alla glisch.

Pader Placidus Müller dalla claustra da Mustér ha retscharcau e miserau las restonzas dil casti. Il casti seigi vegnius construius el 13avel u 14avel tschentaner e staus habitaus entochen el 15avel tschentaner.

La miseraziun di sulom porta alla glisch ch'ei ha setractau d'in dils gronds castials dalla Surselva. Il casti era en possess dalla famiglia Putnegia derivonta dil casti da Putnengia sper Rueras en val Tujetsch. La famiglia era administratura dils beins dalla claustra da Mustér.

Prenci avat Pieder da Putnegia ha artau il casti da siu bab Clausen. Entras quella ierta ei il casti ius vi en possess dalla claustra da Mustér.