Nat avant 100 ons: Cla Famos, aventürier, hotelier, chatschader, cuntrabandist, hom d'affar (1924--2007)
Cuntschaint in tuot l'Engiadina sco «Cla da Foggia», davo la cità i'l süd da l'Italia, ingio ch'el es nat il 1924. Seis antenats da Ramosch in Engiadina Bassa manaivan la pastizaria svizra a Foggia. El es però creschü sü pro sia nona e seis bapsegner a Raschvella, üna fracziun dal cumün da Ramosch, uossa Valsot. Randulinas – Randulins – gnivan nomnats quella jada ils emigrants rumantschs chi vivaivan, sco utschels migrants tanter duos muonds. Cla Famos ha savü quintar sia istorgia da vita cun umur ed entusiassem: aventüras da l'Engiadina, pero sco chi'd es pro üna randulina capitan quellas eir dalönch davent dal muond muntagnard da l'Engiadina, tanter Foggia, Londra, Madrid e las Pireneas.
La Televisiun Rumantscha ha creà ün bel purtret filmic davart Cla da Famos, realisà a Raschvella ed a Foggia: Ün sco ingün – Il famus Cla Famos.
nossaistorgia 
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.