Igl schaner 1951 ei la punt "Prada" sur il Glogn vegnida distruida dalla vart da Sevgein entras in grep ch'ei curdaus sin quella. La cumpignia II dil bat. da pioniers 6 han baghegiau ina punt da lenn sco provisori, aschia ch'il traffic ha buca stuiu untgir ditg sur l'untgida da Glion - Val Gronda - Peiden Vitg a Peiden Bogn. Pér igl onn 1953 el fevrer/mars ei la punt dall'amada vegnida remplazada entras ina punt da fier, ina punt che surveva avon ad Aschera, pli probabel sur il flum Landquart ed era vegnida danvonz.

Ils onns 1990 ei la "punt fier" vegnida remplazada muort il tonnadi. Sin la fotografia da maun dretg stat sil tschabergal il luvrer curaschus, Ernst Hossmann , da Castrisch. Perscripziuns da segirtad entras la SUVA deva ei para buca da quei temps. La punt ei vegnida demontada e montada dall'interpresa d'itschal, Fritz Trippel a Cuera.

Davos la tuor, "Castelberg" ni era Chischlatsch, sut Luven dalla famiglia v. Castelberg.