Emprema punt dil Rein Anteriur
Emprema punt dil Rein Anteriur
Dadens Tschamut enagiu a Prau Mulins, Plaun Mulins (ils Gualsers numnavan Mühlematt) sesanfla l'emprema punt dil Rein Anteriur. Seniester la pastira dil Munt Traviers. Quella pastira ha caschunau ina gronda dispeta denter ils da Tujetsch ed il vischinadi da Tschamut. Ins sto saver che en fatgs interns d'economia era Tschamut in uclaun independent. Silla punt dus umens dalla schlatta Schnoz, numai ils Gelis da Tschamut.
Ils Schnozs, ils Gelis
Vieifer alla spunda teissa dil Péz Maler peinan ils Gelis draussa, ils treis umens della famiglia Schnoz, che han in'economia purila cun casa a Selva ed ina si Tschamut e habiteschan perquei in temps si leu. Della famiglia ein aunc sis en veta, treis frars e treis soras, tuts ledis. Igl ei buna glieud tut aparti, spir pietad e generusadad. In ei mazler dil vitg e quei ei ualti fadigius, cu ins fa aunc en ligiongias cun corns. In atun ei l'emprema maschina per far quella lavur tuttina cheu entras il frar de sur H. Giachen, Flurin Venzin. En stiva dils Gelis brischa adina ina glisch per las olmas. Margreta fa las candeilas e tscheps-tschera per l'entira val. Il fatg restau de quella famiglia ei ius vi alla vischnaunca.
En "Regurdientschas da Selva" (avon 50 onns) da scolast Tumaisch Venzin (19.9.1896 - 3.10.1966) Pelegrin 1955, annada 56 nr. 12
(Foto el Museum La Truaisch a Sedrun)
Ils fargliuns Schnoz
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.