Toni Dominik Schwab, igl intaglieder, a Savognin. El è naschia igls 01.07.1894 a Garmisch /Ammergau BRD. Sies desidero mastier dad intaglieder ò el perfecziuno tar differents artists dalla sculptura an lagn. Igl onn 1937 igl taimp da Hitler ò el stuia bandunar cun sia famiglia cun 8 unfants la patria. El ò catto en nov datgesa ad Ostoberschlesien. Lò ò el biagia sen ena scola professiunala per intaglieders. Alla fegn dalla gherra, igl onn 1948 è el turno an patria a Moosburg e sa perfecziuno sen igl art da baselgia. Igl onn ò Prof. Toni Dominik Schwab piglia dimora a Savognin, noua tgi sia sora manava la pasternareia « Caminada ». A Savognin ò Toni Dominik stgaffia bleras belas lavours artisticas. Uschea igl cruzatgetg grond sen la fatscheda dalla baselgia parochiala Nossadonna a Savognin, scu er las tavlas tranter las fanestra dalla tgesa da scola communala igl onn 1954, scu anc bleras lavours per privats tgi en anc oz da cattar an nossa regiun. ro