Cu la viafier mava aunc sul Cuolm ora
Cu la viafier mava aunc sul Cuolm ora
Viafier Furca Alpsu e restaurant "Gasthaus zur Passhöhe" sil Pass Alpsu
Florentin Cavegn ha fatg persenn ch'ei era adina bia militar sin il Pass Alpsu ed ei vegnius sin l'idea da far fatschenta sil Cuolm, sco il pass vegneva numnaus.
En cuort ei carschiu sil Cuolm ina spaziusa baracca, fatga cun pals rodunds el tratsch, tablegiau e fatg tetg cun cutgnas ed aissas da mendra qualitad. Las mobiglias seigien era buca stadas custeivlas, enzacontas aissas sin pals han surviu per vender bubrondas, tubac e.a. alla schuldada. Sco survients ha el engaschau enzacons tschécs umens, denter auter siu quinau Anselm Capeder, plitard president da vischnaunca.
Tut quei ei vegniu arranschau en paucs dis ed il militer ei veramein vegnius e schau anavos enzatgei. Pagau tuttas spesas hagi el giu la baracca ed aunc 500 francs schuber.
La hetta ha Florentin mai pli fatg giu, empau alla ga ei vegniu baghegiau vidlunder. Il hospezi ei vegnius construius en pliras etappas. Tochen avon cuort era quel tra- vestgius cun plattas d'eternit.
(Text da Leci Brugger en Cronica dil Hotel Krüzli)
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.