Cun malaura da 1834 ei era il Run denter Gonda e Sedrun vegnius massivamein. El liug il pli seniester dalla foto ei il Run sestuppaus ed entras quei anflau via vi encunter Sedrun e sederschius suenter la spunda giu. Il Cadruvi e baselgia ein stai en prighel. Sper baselgia giu ha el furiau encunter il santeri vegl e menau naven in toc da quel giu viers il Rein. Restonzas da baras e vischals ein plitard vegni anflai oragiun Gravas.

Ils onns sissu ha la vischnaunca decidiu da trer agrad il Run en lingia grada viers il Rein Anteriur ed el liug sensibel construi in uor. Quel ei vegnius terminaus 1837. Dapli lu ei il Run adina ius en lingia grada viers il funs dalla val. Plitard ei vegniu plazzau travs da betun per retener il sfunsar dil Run. Quei ha purtau la gronda migliur ed il contuorn ei serevegnius schizun cun crescher dretg e seneister numerusas plontas! Denton, ton ei segir, il prighel vegn il Run a restar e quei oravontut gest sur la punt dalla via principala!