Treischumellins
Treischumellins
Ils 18 da settember 1937 ein els naschi denter las 3 e las 5. Battegiai ein els il medem di allas 10 a Sedrun. Tuts treis ein morts silsuenter, l'Anna ils 21 da settember, il Nicolaus igl 1. d'october e la Hilda ils 28 d'october dil medem onn.
La foto muossa da seniester davontier ils padrins e madretschas:
Annastasia Brugger e Sep Martin Monn, Anna Maria Giossi (sora Fidelia) e Fidel Hendry, Giuseppa Caduff (sora Carmelia) e Victor Berther.
Davostier da seniester: sur Giachen Antoni Fetz, plevon da Sedrun, Pius Monn-Amberg (1903), il bab e sur Cristian Berther, caplon a Rueras.
Els habitavan a Rueras e la mumma ei stada l'Ottilia Amberg (1904), oriunda da Littau/LU.
Treischumellins en Tujetsch
Ils 3 da december 1921 ei naschi a Sedrun il Tumaisch, il Giusep ed in Placi (Infans) ch'ei morts tier la naschientscha. Ils geniturs ein stai: Placi Schmid ed Anna Maria Deragisch da Sedrun. Padrins e madretschas ein stai dil Tumaisch: Thomas Cavegn ed Augustina Beer, dil Giusep: Joseph Schmid e Maria Ursula Berther.
Annunziei ils treischumellins da Tujetsch!!
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.