Ich chor viril baselgia Savognin à nia fundo igl onn 1849 e scu amprema dirigenta vign numnada la donna Sabia Escher de Latour uriunda da Breil/ Surselva. Ella era la sora dalla Jeanette de Latour tgi era spusada cun Remigius Peterelli 1815-1892, cunsiglier digls stands da Savognin.

Sot la batgetta da Sabina Escher de Latour, tgi è pi tard sa spusada cun igl geolog prof. Arnold Escher, en fegl da Conrad Escher dalla Linth, ò igl Chor viril baselgia piglia part alla festa da cant a Zirang (Zillis) igl onn 1851.

.. ainten la cronica, 125 onns Chor viril baselgia Savognin, scretga da Peder Spinatsch, a. president cirquital’ ègl da ligier » … anc ainten igl stgeir dalla notg da glindasde-tschuntgesmas 1851 viandava la Bina e sies cantadours, cun proviant an cassatga u lascher davent da Savognin an direcziun Riom – Parsonz cunter igl sanctuari da Ziteil per da lò anor far la teisa e crapousa sponda digl Curver e rivar a taimp a Zirnag noua tgi la festa niva tignida giu. « la canzung da paia sa numnava « Waldandacht » da F.R. Abt (Frühmorgens wenn die Hähne krähen)».

(infurmaziuns supplementaras, varda « 125 onns chor viril baseliga Savognin », ena broschura depondeida ainten la bibliotheca cantunala ni da ratrer a Savognin tigl Chor viril baselgia Savognin.)