Igl maletg mossa la pi viglia fotografia dalla vischnanca da Murmarera igl onn 1863. La tgesa davant sanester tgi vign gist biageida è da Niculin Dora.

Igl onn 1863 è en fotograf nunancunaschaint viagia tras Surses e fotografo mintga vischnanca.

La dataziun ò ins savia far sen basa dalla fotografia da Beiva, noua tgi la tgesa vaschigna digl Hotel Post, numnada Palazzo è da veir cun las puntanadas, an construcziun. La tgesa porta l’annada 1863 sur la porta. Tar la fotografia da Riom, en scazzi, vei ins la vischnanca anc avant l’arsa, damai avant igl 1864 (arsa Riom).

Sen fundamaint da chels fatgs darstg ins eir or digl fatg tgi l’antiera seria datescha digl onn 1863.

La fotografia dareiva ord igl StAGR N18 collecziun Peter Metz.