Scola primara a Duvin 1894/95
Scola primara a Duvin 1894/95
La scola primara da Duvin igl onn 1894/95. Aunc oz exista a Duvin ina dallas davosas scolas cumplessivas en nies cantun! ( Sis classas, in scolast, ella medema stanza da scola) Interessant ei ch'il scolast da quei temps, Johann Peter Nold ei igl urat dil scolast dad oz, Curdin Christoffel da Pitasch, oz scolast a Duvin.
Dapi ils 6 da december 2019 ei quella fotografia stada publicada senza nums. Julia Candrian, oriunda da Duvin, ha la medema fotografia, denton ein ils nums vegni screts si davos el portret.
Retscha davos, da seniester a dretg: Nesa Candrian (Caginai), Nesa Candrian (Kamm), Barla Caviezel, feglia da Hans Luzi Caviezel, Betti Candrian, scolast Johann Peter Nold da Pitasch e Bartholomeus Caviezel.
Pertgei Caginai ed Kamm? Da quei temps haveva Duvin dabia famiglias dalla schlatteina "Candrian". Per saver da tgei descendenza ils scolars eran, ha la persuna che ha indicau ils nums scret, Caginai e Kamm. In Candrian haveva meridau ina giuvna dalla schlatteina Kamm. Aschia haveva, per exempel, Christian Candrian il surnum "Tan Kamm".
Retscha davon, da seniester a dretg: Ursula Candrian, soras Barla e Julia Caviezel, frars Bartholomeus e Peter Candrian ed Leonhard Candrian.
Scolaras e scolars mo dallas famiglias Candrian e Caviezel! Denton oz dat ei buca pli la schlatteina Caviezel a Duvin. Ils davos, numnadamein il postenent, Rest Caviezel-Nold ( 1902-1989) e sia dunna Rosa Caviezel-Nold (1901-1985) han buca giu affons.
In grazia fetg a Julia Candrian per metter a disposiziun ils nums.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.