Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
La pagina tetgala: historiaHelvetica
Automobil remplazza crotscha da cavals suls pass Lucmagn ed Alpsu

Automobil remplazza crotscha da cavals suls pass Lucmagn ed Alpsu

MAD
Flavio Huonder

In omagi als autos da posta che carravan suls pass

La foto cheu sura muossa ils emprems autos da posta che carravan dalla staziun da Mustér tochen sils pass dil Lucmagn e dall'Alpsu. E quei cun vesta panoramica senza tetg. Igl ei da supponer che quei vegneva appreziau dils hosps mo da bial'aura. Davostier dretg ves'ins igl uclaun da Mompé Medel. E sa zatgi forsa tgi ch'ils manischunzs dils dus camiuns da Saurer eran?

E schon semettan ils dus autos sin via dalla staziun si. Ils affons paran d'haver lur gaudi da cuorer suenter als autos.

Las vias - sco magari ella veta dils humans - sespartan a Mustér. In auto da posta va direcziun dil Lucmagn, il secund tras il vitg da Mustér viers il pass dall'Alpsu.

In amen pli tard ei igl auto da posta schon bunamein sil pass dall'Alpsu. La destinaziun finala ei Ursera (Andermatt).

E nua ei il secund auto da posta? Lez ei denton arrivaus tochen dadens Curaglia....

...e traversa gest il vitg da Platta.

L'arrivada sil pass dil Lucmagn.

Vinavon viers il Tessin. Seniester l'Alp da Sontga Maria.

In auto da posta carrescha dalla val dil Blegn sul pass dil Lucmagn.

E puspei anavos sut Curaglia direcziun dallas Ruinas e Mustér.

Autras rutas dils autos da posta

Secapescha carravan è sur auters pass dil Grischun pli baul autos da posta. Per exempel sul pass dil Gelgia. Igl auto cheu sut ei gest ius tras Bivio sin via ell'Engiadina.

Igl auto da posta silla ruta dil Gelgia cun glieud pli nobla.

E puspei anavos ella capitala: igl auto da posta silla ruta dal Gelgia da retuorn a Cuera. Dretg la scola cantunala veglia.

Dapli traffic culs autos da posta hai lu dau pli tard, per exempel alla staziun da Cuera duront il temps d'unviern.

Ti stos esser connectà per agiuntar in commentari
Nagin commentari il mument
Network:
Sponsurs:
16,337
814
© 2024 FONSART. Tut ils dretgs resalvads. Dissegnà da High on Pixels.