Ina classena dil temps passau. Oz vegn ella promovida entras pagaments dil maun public e valla sco scazi historic. En in cudischet da 1840, entruidament tier l'ameglierazin della economia d'uauls Grischun publicaus entras "insinuaziun della regenza cantunala" san ins leger che da quei temps vegnevan nos uauls cultivai a moda da rapina e senza il duiu respect sin la funcziun da schurmetg. Alla fin dalla cussegliaziun vegn discret che da lenna che vegneva duvrada per far classenas e chischners seigi la mort dils uauls da montogna. Il motiv leutier seigi la racolta da numerusas plontas giuvnas per far lattas per chischners e las classenas che vegnen fatgas denter pastiras e praus e per liung dallas sendas (gassas) nua ei vegneva catschau animals.