Beiva - igl far plaz avant la tgesa dad Alfonso Lanz, anturn igls onns 1940-45

Oz faschainsa plaz cun chels da Beiva. Avant tg'ins cunascheva la televisiun veva igl star a plaz gronda muntada. Ins sa scuntrava, rachintava instorgias e sa barattava infurmaziuns. Co sen la plazza san Giovanni, avant la tgesa d' Alfonso Lanz, a Beiva, scuntrainsa ena bela gruppa d'indigens. Prubabel erigl ena dumengia, ins era vistgia da dumengia. Igls actours en: d.s. Leo Huber (fegl dad Emil Huber), Rudi Lanz, (fegl dad Alfonso e Berta Lanz) Reto Schmid, Alfonso Lanz, parsunga betg ancunaschainta, Berta Lanz (la donna dad Alfonso Lanz), Emil Huber (uriund da Savognin, frar digl scutgamegn Rico Huber), enpo zuppo Moritz Fasciati (bab da Nino Fasciati) e davant la pitschna, Irene Fasciati (sora dad Aldo Fasciati). Davant igl tgang d'Alfonso cun nom "ami".

Pigliagn er nous en mument peda per reflectar chel maletg suglaleiv…. (per chella fotografia lessa angraztger ad Erna Moser-Lanz scu er per l'infurmaziun a sies frar Marco Lanz)