Chellas treis brevs mossan tgossas interessantas. Igls noms dallas vischnancas eran tudestgeas. Sen l'amprema cuverta vusainsa igl bol da Schweiningen sainza indicaziun digl onn. Schweiningen è sto igl nom uffizial digl 1850 anfignen igl 1884. Sen la sagonda cuverta igl bol da Mühlen digl 1874, en bol da Stalla (Bivio) ed igl li Savognino. Chel nom taliang ins observa chi e lo, prubabel sot l'influenza digls caputschins ni tgi la brev niva giu da Beiva noua tg'ins ruschanava per part taliang. Sen la terza brev puspe igls noms dallas vischnancas tudestgeas, er l'adressa an tudestg, rumantsch era da lez taimp betg "salonfähig" e per correspondenza uffiziala ins duvrava igl tudestg. Casti veva nom anfignen igl 1892 Tiefenkasten, siva digl 1893 Tiefenkastell e siva digl 1903 scu oz Tiefencastel. Ma nous giagn anc adegna giu Casti!