Il Cuvel da l’Iva, culla chamonna dal club da skis da Sent
Il Cuvel da l’Iva, culla chamonna dal club da skis da Sent
Il club da skis da Sent es gnü fundà als 24 da schner dal 1920. Ils fundatuors sun stats il falegnam Georg Küng, il meidi Jon Peer, il geometer Niculin Zonder, l’indschegner forestal Emil Bass, il toler Richard Margadant, il pittur Domenic Lansel, il furner Mario Giacometti e’l faver Cla Valentin.
Dal 1932 decida il club da far üna chamonna sül Cuvel (Cuel) da l'Iva. E quella decisiun vain eir realisada, cun bler ingaschamaint e lavur gratuita dals commembers. Il transport da material nu d'eira simpel. Dürant divers decennis es gnüda dovrada la chamonnina intensivmaing, sco lö da partenza per cuorsas da skis ter pretensiusas. ma impustüt sco böt da bellas turas cullas pels. Davo chi ha cumanzà il circus da skis a Motta Naluns cun adüna daplüs indrizs da transport cumadaivels, ha la chamonnina pers sia importanza e giaiva plan planet bod in malura. Ma il club cun ün comitè ourdvart iniziativ ha restorà e miss darcheu ad ir la chamonna.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.