Il Chor viril romontsch Lucerna
Il Chor viril romontsch Lucerna
La foto cheu sura muossa il Chor viril romontsch da Lucerna zacu ils onns 80 dil 20avel tschentaner. Vegnius fundaus ei il chor 1961 dad umens (surtut) Sursilvans ch'ein emigrai ils onns dalla conjunctura aulta en Svizra centrala. Els eran numerus ed han vuliu cultivar vinavon la viarva romontscha ella diaspora.
Retscha davon il tierz e quart cantadur da seniester: ils frars Dumeni e Paulin Huonder oriunds da Mustér. Il tierz da dretg: Dumeni Capeder oriunds da Trun. Enconuscha zatgi aunc auters cantaturs silla foto? Scrivi el commentari cheu sut.
Cheu aunc in'autra foto dil Chor viril romontsch Lucerna:
Ina foto pli veglia dil Chor viril romontsch da Lucerna:
Ils davos onns cumbatta il Chor viril romontsch Lucerna, sco biaras autras uniuns, culla digren dils commembers. Mo 10 umens ein aunc activs, tuts sur 70. Ils giuvens mauncan. Il chor vegn sligiaus sin la fin da settember 2018.
Ina fotografia dils davos cantadurs dil Chor viril romontsch Lucerna.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.