Gonda/Sedrun

Ils mats, la Cumpignia da mats, han eregiu quei sanctuari igl onn 1864. Avon existeva in pign sontget enagiu sut il mulin sper la via veglia. El funs dils sontget sepresentava Niessegner vid la crusch. La fatschada purtava l'inscripziun Ecce Homo. Ils onns 1960 ei il sontget vegnius spazzaus pervia dalla segirtad d'entrada dalla via da Gonda ella Via principala. Che ves'ins bein, il traffic mava da mintga vart dil sontget ella via Alpsu. La seiv siara giu il plaz da scola dalla scola Sontget che ha priu sia entschatta igl october digl onn 1887. Dretg la "Metzgerei Fleischtrocknerei Th. Curschellas".

Avon onns serimnava la cumpignia da mats avon quei sontget per rugalar mintgamai lur fatschentas, sco per exempel metter capitani, reparter las bandieras per las fiastas ed auter. Il sontget s'udeva alla cumpignia da mats, che ha era baghegiau e manteniu el. Per quei intent vegneva ei priu si mintg'onn la fiasta da Sontgilcrest in'unfrenda denter la cumpignia da mats. 1909 han ins enrihiu el cun in niev garter da fier ed igl onn 1911 renovau el. Pli daditg vegnev'ei era schau arder ils davos dis dalla jamna sontga ina glisch en quei sontget.