La Scoula industriala Val Müstair es ün uffant da la Società ad ütil public Val Müstair. Ella es gnüda fundada l’on 1929 per pussiblitar a giuvens e giuvnas da quella jada ün perfecziunamaint illa vita professiunala. Promotur da la scoula es stat dürant blers ons il ravarenda Rudolf Filli.

Ündesch giarsuns e giarsunas da mansterans indigens e paurs sun stats ils prüms scolars chi han frequentà quella jada l’instrucziun illas localitats da la chasa da scoula a Sta. Maria. Dürant ils passa 80 ons d’existenza ha gnü la scoula üna media annuala da 10 fin 14 giarsuns dals seguaints mansters: falegnams, müraders, maranguns, louvaplattinas, monturs d’electricità, pitturs, furners/pastiziers, mecanikers d’auto, spazzachamins e zunzas.

L’existenza da la scoula da giarsuns es statta plüssas jadas fich periclitada. Id ha dovrà ün grondischem ingaschamaint dals manaders da la scoula – ouravanttuot da magister Reto Manatschal chi ha administrà la scoula dürant passa 50 ons – per cumbatter cha las instanzas chantunalas e federalas nu serran „la plü pitschna scoula industriala da la Svizra“. Intant sun gnüdas serradas in Grischun las scoulas industrialas da Scuol, Chastè, Tusan, Landquart e Clostra.

mag. Töna Stupan, Benedict Foffa, Tista Scandella, Konrad Schnider, Bruno Florin; ??, Gebhard Flir, Jon Moder, Maria Hellrigl, Anna Frei, Erica Cazin, Antonetta Solinger, Lina Hellrigl, Angel Conrad, Albert Conrad, Ernst Beeler