La votaziun istorica 1938 per il rumantsch
La votaziun istorica 1938 per il rumantsch
Avant 80 onns, la saira dals 20 da favrer 1938, avevan las vischnancas rumantschas laschà strasunar ils zains. In di da plaschair per il mund rumantsch, per la lingua rumantscha: Cun 92 pertschient vuschs aveva il suveran svizzer numnadamain approvà quella dumengia da vulair resguardar il rumantsch sco quarta lingua naziunala.
Curt avant che la Segunda Guerra mundiala prorumpia en Europa, era quest resultat in impurtant signal da coesiun e defensiun naziunala. Pertge atgnamain? E tge consequenzas ha gì questa decisiun per l’acceptanza e la promoziun dal rumantsch?
«Cuntrasts» prenda la chaschun per discutar davart la votaziun istorica d’avant 80 onns. Expert en chaussa è Rico Valär, professer designà da rumantsch a l’Universitad da Turitg.
Collecziuns:
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.