Dazier grischun a Tschamut
Dazier grischun a Tschamut
Igl onn 1864 ei la via sul Pass Alpsu stada finida ed il temps da carrotschas ha entschiet. Tschamut ei sedestadaus ord siu esser d'in vitg pauperet ed ha survegniu grond'impurtonza. A Tschamut vegnevan ils cavals scumiai ora ed ei veva in biro da posta. Perfin ina residenza per in schendarm survegnan ils da Tschamut.
Gasetta Romontscha dils 4 da mars 1870:
*El cussegl grond d'*Uri ei vegniu signalisau ch'ei vegni sull'Alpsu menau en roschada buots vin vulclin senza pagar il dazi da consum e sin quei ei vegniu concludiu da schar intercurir quei pli datier. Il daziè grischun a Tschamut vess buna peda d'era trer en il dazi per Uri, ton pli che las respectivas entradas d'omisdus cantuns tonschan buc da cuvierer siu salari.
La famiglia Cavegn ha reagau sil svilup ed ha baghegiau in hotel niev a Tschamut. Ils viandonts, turists han spert engartau il vitget alla tgina dil Rein. Igl emprem hosp che ha purtau siu num el cudisch da hosps, ils 5 da fenadur 1867 ei stau in sgr. dr. C. Sieger da Frankfurt cun la menziun «sehr zufrieden».
Annunzia
Il suttascret fa cheutras enconuschent ad in ludeivel publicum, ch'el hagi baghiau si Tschamut ina nova ustria "Zu den Rheinquellen" e recamondi quella a tut quels, che passan leu atras empermettend in bien e dueivel tractament.
Lucas Cavegn a Sedrun
Gasetta Romontscha dils 29 da zercladur 1867
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.