Beiva - Piazza San Giovanni - anturn igls onns 1925-30

Chella fotografia da Beiva documentescha igl taimp dalla buna conjunctura tranter l'amprema gherra mundiala digl 1914-18 e la crisa economica a parteir digl onn 1929.

Sen igl maletg en da veir indigens da Beiva. Las persungas en ancunaschaintas per nom, nascheidas tranter 1900 - 1915. Las donnas vevan anc nign dress da sport, t'igls omens correspondevan igl pullover e la tgotschas alla moda da skis digl taimp.

Mia dumonda? Partge vevan noss indigens gio bungs arranschameints da skis? Igls ples sen la foto eran, ni vevan ensatgi tgi luvrava ainten la hotellareia dalla Nagiadegna. Igls giasts, da chel taimp, surtot igls Angles tgi eran igls pioniers digl sport d'anviern an nossas muntognas vevan igls arranschameints nezzesaris.

Da vacanzas nizzigivan els l'occasiun dad eir cun skis, igls cals els cumpravan agl lia da vacanzas, surtot a Son Murezzan. Sen sies return a tgesa, savevan els causa da schlettas relaziuns da transport betg piglier ansemmen l'isaglia cumprada. Els laschevan alloura igls utensils, favorevel agls impiegos agl otel.

Gian Jäger era igl Sportsmen digl otel Palace da Son Murezza, sur da sias relaziuns, screiva pi tard. Davos sen la foto igl Restaurant Septimer tgi niva mano digl tat e la tatta da Capuziner Mauro Jöhri. Soura era en ustareia fitg frequentada e populara, sot sa cattava ena buteia da magliaretsch. La lunghezza digls skis correspondeva betg a noss taimp.

d.s. Giulio Fasciati, Marta Brühwiler, Berta Lanz, Rita Jäger, davos Gian Jäger, Andreia Grisch, Clorinda Fasciati, Barbulina Jäger, betg ancunaschaint.