Savognin - Stradung 31
Savognin - Stradung 31
Igl maletg mossa en interessant bietg. Uriund erigl ainten chel bietg ena fuschigna, cun igl martel d'ava tgi sa sarviva digl ual vischinand da Davos Flex. Igl ual è òz suteran e sbucca a Naloz ainten la Gelgia.
La ventilada fuschigna appartigniva agl complex digl Hotel Piz Mitgel, biagia igl onn 1870. Pi tard sarviva la part sot digl bietg scu garascha e reparaturas per l'interpresa Remi Peterelli. Intergro era an chel bietg er la schi numnada "Putzgrube". Chella è neida ramplazzada tras igl "lift" per reparar igls autos.
Segl plang soura, ma ragoda anc tgi era igl clavo e liaint la "cutscha digl Hotel Piz Mitgel". Gl' èra ena nobla carotscha, tg'ins duvrava per igls giasts. Pi tard anc duvrada per nozzas. Las dus fanestras mossan anc igl local d'arrest cirquital. Co nivan sarros aint deliquents per curt taimp. Per la survigilaziun e la speisa era la famiglia digl pulizist respunsabla.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.