Il barbier e cavalier
Il barbier e cavalier
Maurus Berther (1890-1968)
Pur, apicultur, patissier e cuschinier principalmein per las nozzas en casa e buca d'emblidar: coiffeur, tagliacavels e barbier. Il Maurus pretendeva all'entschatta da sia carriera sco coiffeur 30 raps, alla fin veva el alzau il prezi sin 80 raps per tagliar cavels. La pira lavur veva el la dumengia: Ord da messa, migliar da sestrunglar in taglier suppa e lu alla lavur. Mo la paga da quei di mava per bunas ovras.
Schubers e versaus era el in encuretg samariter. Igl onn dalla grippa (1918) ha el vegliau meins ora. Ina ovra da caritad ch'el ha exercitau a biars e biars era il vestgir ils morts.
Il Maurus ei buca staus en Tiarasontga mo daventaus "Cavalier dalla s. Fossa", ina societad che va anavos en siu origin el temps medieval e nua ch'il singul commember porta aunc oz grondas unfrendas per sustener ils cristifideivels ella Tiarasontga.
Per dapli mira: Maurus Berther
Enamiez il Maurus sco portier dil Rütli. Davostier dretg ei il Tumaisch Beer (1877-1966), ch'ei emigraus 1921 ell'America.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.