La carta postala mussa Cuira sco citad dinamica e progressiva en il spiert dal temp dals onns 1960. Il maletg vegn dominà dals bajetgs da duas interpresas svizras da renum. La plazza da la staziun davant tutga als autos ed al mastergn da taxis. Bain fa ina strivla fina a l'ur sanester endament Son Gliezi e las muntognas davostiers. Noss egl vegn però attratg da la fatschada clera e cumenza a girar tranter la scrittira dal Globus schic, ils autos, il kiosc entamez la plazza ed il vagun da vitgira da la viafier d'Arosa. Giaschend stgir a l'ur, para quel vagun da derivar dad in auter temp. Tgi ch'era gia per via a Cuira da quels onns sa regorda: la damaun marvegl arrivada a la staziun. Suenter il sutpassadi spetgar fin ch'ins possia traversar la via, ch'era eventualmain anc bloccada d'in tren da la viafier d'Arosa. Anc spert cumprar ina stgatla cigarettas al kiosc, per lura ir a scola u en l'affar...

La fotografia deriva da la chasa editura da cartas postalas Foto Gross a Son Gagl. L'archiv dal stadi dal chantun Grischun ha surpiglià e digitalisà il relasch da Foto Gross. Prest 3000 negativs en alv e nair da 1922 fin 1971 cun motivs dal Grischun stattan a disposiziun online.

Autura: Brigitte Aregger, Archiv dal stadi dal Grischun

Staatsarchiv Graubünden / StAGR N3.2093 / Chur, Bahnhofplatz mit Globus und Winterthur-Versicherungen (1965) / Fotograf: Foto Gross, St. Gallen / CC BY-SA 4.0 / Archivinformationssystem Staatsarchiv Graubünden.