Val Mila
Val Mila
La Val Mila sesanfla ella Val Tujetsch e sestenda viers nord dil vitg da Rueras anora. Il passadi enasisum la val senumna Mittelplatten e meina vi el cantun Uri. Ensemen cul Pass La Crusch che meina tras la Val Strem formavan quels dus pass da temps pli vegl la traversala nord - sid!
Davontier seniester ei il mises da Malamusa e da vart dretga il mieses da Mila. Dalla Val Mila han ils vischins da Rueras respect. Da nevadas smanatscha ella cun la lavina. Ensemen culla Val Pulanera ha quella lavina destruiu igl onn 1749 ina gronda part dil vitg da Rueras e schau anavos varga 60 unfrendas. Il medem ei puspei succediu igl onn 1817 cun quasi 30 unfrendas. Per cletg vev'ins reconstruiu il vitg suenter la lavina gronda cun plazzar las casas novas pli encunter ost. Ils onns 1830 ei vegniu eregiu sul vitg ina ustonza per direger la lavina en direcziun dil Rein.
La Val Mila ei aunc la suleta val che meina aua da sum entochen dem senza ch'ella vegni duvrada per producir energia electrica. Denton la veta da quei flum ei era restringida. Il pievel tuatschin ha dau la concessiun da far diever da quella.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.