Il Run da Sedrun vegn .....
Il Run da Sedrun vegn .....
El vegn segiramein intragl'auter inagada ad onn, denton cun differenta vehemenza. Propi destruends eis el staus igl onn 1834. Lu ha el midau vau e seders suenter il vitg da Sedrun giu ed ius cun ina part dil santeri. Medemamein igl onn 1868 ha el mussau tut sia forza. Pader Placi a Spescha ha gia 1805 admoniu ils da Sedrun e fatg attents els sin il Run e siu prighel pil vitg. El ha cussegliau da menar il Run en in vau en lingia grada giu enviers il Rein. Per suenter la catastrofa da 1834 ei quei lu vegniu fatg. Ils onns 1970 han ins lu baghegiau en tarvs da betun e sfrenau il sfunsar dil Run. Dapi lu ei tut silmeins stau eri denton eis ei zun impurtont ch'il Run sesvidi mintg'onn e transporteschi tut il material ch'ei serimanus al pei dil Run, al pei dil Cuolm da Vi.
Vul ei dar in bien onn en Tujetsch, sche sto il Run da Sedrun vegnir treis ga cotschens. (Notizia da pader Baseli Berther)
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.