Riom - Säntis SG
Riom - Säntis SG
Igls guardians segl Säntis, Peder e Luisa Steier-Leardini cun igl tgang Sänta 1922-32.
Igl onn 1922 è sto igl assasinat sen igls conjugals guardians dall'ora segl "Säntis". Agls partutgias n'erigl betg sto pussebel da fugeir ni eir per ageid. An consequenza nign riscava da s'annunztgier per igl post vacant. Igl post niva angal surdo ad en pêr. Sia lavour era strantga, sen 2502 m.s.m e surtot igl anviern fitg exponia all'ora, freid e bletsch. Igl observatori era impurtant per la meteo dalla svizzra. Gia curasch da sanunztgier per la plazza vacanta on gia igls conjugals da Riom, Peder e Luisa Steier-Leardini (genitours dad Agnes Collet-Steier, e tat e tatta da Peder Collet e fardagliuns da Riom). Luisa Leardini darivava dalla famiglia digl Hotel Krone da La Punt. Peder e Luisa on sarvia segl Säntis digl 1922-1932. Da chel taimp existiva anc nigna pendiculara segl Säntis. La pendiculara Schwägalp-Säntis è pir neida innaugurada igls 1.7.1935. Els gevan per solit se digl tratg da Seealpse. Schi numnos purtaders "Träger" gidavan a transpurtar igl bisignevel. Sen la foto vasibel er igl tgang "Sänta" tgi els on alloura piglia cun els cura tgi els en turnos puspe an sies lia nateiv Riom.
(la foto ò mess a dispusiziun Gnagna Peterelli-Collet, angraztg fitg).
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.