Riom - Gion Batist Schmid an raschieni cun ena cromra 1920-30,

Chesta fotografia è en relict digl taimp. D.d. Gion Batist Schmid, (naschia 1901) el era primarmaint pour e scu luvrant tar l'introducziun dal' elctrizitad ainten nossas vischnancas igl onn 1918, veva el tras interess, autodidactica e curs da perfecziun, sa luvro aint scu om digl fatg e sa promovia e ratschet la conzessiun per installaziuns electricas ainten noss contrun. Co sen la fotografia sa catta el giudem Riom, nunmo Sulada an raschieni cun, prubabel ena cromra. La tipica cromra eran talas tgi darivavan surtot ord l'italgia, purtavan se dies ena trocla cun la roba da vender. Pero indigenas gevan cun igl lascher. Vandia niva surtot roba per igl mintgade. Glè a mè betg sto pussebel dad erueir cuntanteval tgi tgi chella parsunga saro stada. Differentas persungas vignan numnadas, pero ia ma va savia decider per nignas. Chella fotografia pudess esser digls onns 1920 - 30.