Igl maletg mossa ena interessanta situaziun digl taimp. Igl hotel Post da Cunter niva mano da Peder Antona Scarpatetti. El era fitg activ e cun sustign da sies frar tgi era a Turitg medic, ò el pusiziuno bagn igl hotel. Sen sia inizitaiva ò el stgafia differentas purscheidas localas, Uscheia la Villa Bellavista, igl Pavillon a Carschligns ed interessants aranschamaints per sias giasts, tras igl hotel.

Cò pero vei el ena spurscheida spirituala e metta gist sen sia carta postala er en maletg digl sanctuari da Ziteil. Sen igl maletg er da veir, igl casti "Rätiampla" da Riom, la posta da tgavals scu er ena vista magnifica cunter igl Toissa e Curver cun Ziteil.

(carta ord la collecziun da Franca e Silvio Battaglia)