Prestau 14'860 dis survetsch militar
Prestau 14'860 dis survetsch militar
Miu bab, Josef Furger [1917-2013], oriunds dad Erstfeld UR, ha surviu varga 40 onns al militar. Duront la secunda uiara mundiala [1939-1945] entra el en survetsch dil corps da guardia fortezia 17 ad Andermatt e vegn 1943 staziunaus a Mustér. Cheu anfla el sia futura consorta, fundescha famiglia ed empren romontsch. El stat tochen sia pensiun 1982 fideivels alla guardia fortezia 17.
Josef surpren differents uffecis ed ei igl emprem cassier dall'Uniun Cristallina Mustér, fundada 1959. 1963 iniziescha el l'emprema buorsa da cristallas a Mustér. Ina fiera ch'ei oz enconuschenta lunsch sur ils confins da nies cantun.
Ses hobbis preferi ein stai ir per cristallas - e suenter ils onns da pensiun - turnar [drechseln] da tuttas sorts bialas caussase quei tochen ch'el ei arrivaus al tierm da 90 onns.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.