Nus analisain da moda anonimisada las infurmaziuns da noss utilisaders per pudair porscher in meglier servetsch e satisfar a lur basegns. Questa pagina utilisescha er cookies per analisar per exempel las activitads sin la pagina.Vus pudais specifitgar en voss navigatur las cundiziuns d'archivaziun e d'access als cookies.
Davosa brev

Davosa brev

1984
Archiv cultural Tujetsch

Sco cun Flurin Monn e sia dunna Rosa eis ei per cletg iu culs pli biars Americans tuatschins. Perquei scriva el era:

Jeu hai giu bien cletg en quella nova patria. Luvrau e spargnau ed aschia laschel fegls e feglias en in bien stan. Ussa per varga 25 onns sundel vivius sco pensiunari.

Spetgel ussa mo sin ina buna fin. Quei vegn ad esser la davosa ga che sundel aunc el stan da scriver. Ussa stai cun Diu e salidei nos vegls amitgs che seregordan aunc da

Florin e Maria Biala.

Cun cordials salids a tuts.

Zatgei sur dil Flurin:

Flurin Monn (14-10-1896-1988). Emigraus cun l'entira famiglia igl onn 1922 ed arrivaus a New York ils 2 da schaner 1923. El ei partius da Rotterdam cul bastiment Noordam. Sia dunna ei la Maria Cresenzia Riedi (28-12-1894 - 22-8-1970), numnada: Maria biala ni la Bellezia da Tschamut.

Il Tumaisch Beer (1877-1966) scriva igl atun 1923: Il Flurin stat en casa cun ils Aligs e lavura a «South» St. Paul en il «Schlachthaus», nua era jeu hai lu- vrau igl emprem. La Maria, sia dunna, ei grossa e cotschna sco ina regina e ha parturiu in taffer buob el spital dil marcau.

Il Flurin ha visitau pliras gadas la Val Tujetsch, aschia 1954, 1962 e 1979.

Flurin cun dunna e ses affons.

Ti stos esser connectà per agiuntar in commentari
Nagin commentari il mument
12 September 2018
886 guardads
0 like
0 favurit
0 commentari
1 Collecziun
Gia 429 documentss associadas cun 1980 - 1989

Collecziuns: