Il Schweizerhof a Vulpera es stat blers ons üna da las prümas adressas da l'hotelleria da cura in Europa. Tanter ils giasts d'eiran eir Robert Musil e Thomas Mann. L'hotel ha fat tras temps burrascus - ed es gnü serrà il 2016. Ün per evenimaints importants da si'istorgia:

1898: cumanzamaint da las lavurs da construcziun dal Schweizerhof Vulpera (architect Karl Gottlieb Koller) per incumbenza da la società d'hotel Waldhaus Vulpera AG suot la direcziun generala da Duri Pinösch.

1900: Ils 26 da gün 1900 avertüra da l'hotel Schweizerhof Vulpera.

1914: Pervia da las consequenzas da la prüma guerra mundiala resta il Schweizerhof serrà dal 1915 fin il 1919.

1920: reavertüra da l'hotel Schweizerhof.

1923: Il directer dal Schweizerhof E. Glogg ha incumbenzà Arthur Dell da construir la plazza da golf a Vulpera (il seguond in Grischun ed il seguond in Svizra).

1938: Dürant sia emigraziun in Svizra sta Robert Musil illa stanza 114 dal Schweizerhof.

1940: Pervia da las consequenzas da la seguonda guerra mundiala resta il Schweizerhof serrà l'on 1940. El riva sias portas fingià l'on 1941.

1945: La Waldhaus Vulpera SA festagia seis giubileum da 50 ons.

1975-76: Prüma stagiun d'inviern.

1981: Cumpra da la Vulpera Hotels SA tras la Zentra First Class Hotels

1983: Fallimaint da la società Vulpera Hotels SA

1984: Renato Testa e Gino Triacca fuondan la società simpla Clemgia-Tarasp chi surpiglia l'inter cumplex d'hotels a Vulpera.

december 1999: Il Robinson Club dvainta proprietari da l'hotel Schweizerhof, dal bogn avert e dals implants da minigolf e da tennis.

Prümavaira 2016: Il Schweizerhof serra sias portas. Fin là d'eira’l ün dals hotels ils plü prominents in Engiadina Bassa cun ün'occupaziun d'85 pertschient e passa 60'000 pernottaziuns per on. Daspö là haja dat divers plans da reavertüra e da til vender.