Tinansola vegnevi el numnaus. Danunder il surnum vegneva ha negin saviu dir a mi. Il ver num era Giusep Valentin Spescha da Pigniu, 1905-1972, in frar da mia mumma Maria Rusina. Giusep Valentin era in gron e taffer um. Spertalmein denton impedius. Mia mumma ha saviu da dir che Giusep eri sco affonet vegnius grev malsauns. La mumma hagi purtau il bub a Glion tier il miedi. Suenter il tractament encunter la grippa hagi il miedi dau la virola encunter la malsogna contegiusa d'affons "Kinderlähmun" la mumma levi denton spitgar cun quella virola entochen che Giusep seigi puspei sauns. Il miedi denton hagi pretendiu che la virola seigi buca in problem per igl affon. La realitad ei denton stada autra, Giusep hagi pitiu fetg ferm la virola ed entras quei vegnius impedius da spert. Giusep havevi denton ina fetg buna udida musicala. Vegnevi ei sunau e cantau en baselgia ina nova canzun, vegnevi Giusep a casa e sunavi la melodia sin sia harmonia. Sin finiastra sia mumma Maria Rusina Spescha-Spescha