Inscripziun digl onn 1700 a Pitasch
Inscripziun digl onn 1700 a Pitasch
Casa, baghegiada igl onn 1700 dalla famiglia von Montalta igl onn 1700. La famiglia von Montalta da Pitasch ei morta ora cun la mort da Barcrazi Montalta igl onn 1775. El cudisch da bselgia stat scret: " 1775, igl emprim da maig ei Barcazi Montalta vegnieus sutteraus en igl 34avel onn de sia vegliadetgna ". Suenter ei la casa vegnida en possess dalla famiglia Caviezel. Igl onn 1950 cumpra Alexander Caviezel, emigraus a Catania la casa dils fargliuns e drova ella per il diever da vaccanzas duront la stad per sia famiglia. Da lu naven, entochen oz ha la casa il surnum "casa Catania".
Tier las inscripziuns. Grazia agl agid da signur Ursus Bruold, anteriur archivar cantunal, ein ils texts, il tudestg ei grevs da leger, vegnei screts dad el sco quei ch'els ein entaglai en la preit.
Text latin sut il spitg: SOLI DEO HONOR ET GLORIA. 1700
Text romontsch: M.CURAU PITSCHEN DA SAVIGEIN HA QUEI LUVRAU, IGL MEISTERSTUK EIS GARTIGIAU.
Text tudestg: MDCC. Ich Alexander von Montalta dis Haus gebauen hab. Behhüt uns Gott, Dich lass ich walten, Dir wahrem Gott sey ewig Lob.
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.