Gelgia - igls onns 1950

Tgi sa ragorda anc da chella tgesa voluminousa, biageida cun crappa da granit. En bietg tgi tigniva la deira cunter tot ora e stampro …….. cartevans!!. La tgesa veva biagia igl stradign uriund da Gelgia, Tgasper Cotti,darivant da Sour, numno "Tgasperung", tgi veva mano divers onns l'ustareia vischinanta da Cantung, "La Vedutta". Siva da divers onns manada scu ustareia publica è la tgesa neida vandeida agl militer. An tala muntada, anc a divers an buna memorgia. Igl onn 1991, è tala "fortezza" neida en unfrenda dad ena lavegna. Betg la neiv, pero igl squitsch dall'aria o mess an pacas secundas igl bietg marcant an munschna. Per cletg era nign an tgesa, uscheia tgi gl'ò do nignas unfrendas. En emda avant veva lò anc loschia ena truppa militara.

Marietta Balzer I am ragord fitg bain!

Madlaina Peterelli-Collet Tgau Romano, ia ma ragord tgi bab am veva piglia cugl jeep sen Gelgia e lo ischans stoss ainten chesta tgesa la Veduta,cun ena bela steivetta scu ustareia. ia veva survagnia ena tschugalatta tgoda ed en satget cun nuschels ansalos.... pitschnas tgosettas tgi restan an memorgia. Chegl stoesser sto 1947 / 48. La tgesa am veva fatg immens'impressiung.

Niclo Catregn (era pulizist cantunal, staziuno a Silvaplana) curt avant tgi la lavegna o piglia devent igl tetg sunga ia anc passo la tgesa, turnar vaia betg ple savia. La lavegna veva dulzo igl tetg e la mobiglia tgi er sot igl tetg era ainten veia. La hetta dasperas cun tot igl inventar, motors e bobinas cun souas da fer, blocavan la veia.