Il "Surselva" a Mustér
Il "Surselva" a Mustér
Biars dad els datti ell'Engiadina, ils balcuns torts. In da quels datti è a Mustér vid il casament "Surselva". Pli baul colligiava aunc ina scala da pedunzs las vias Lucmagn ed Alpsu. Per in camiun eri da quels temps nunpusseivel da carrar naven dalla via dal Lucmagn en quella dall'Alpsu ni cuntrari. Quei ei vegniu curregiu ils onns 70, aschia che la scala da pendunzs ei svanida. E secapescha ch'era la via dil Lucmagn ei ussa catramada.
Adina puspei ha "il" Surselva midau num. Sin la foto sura fuva in miez roman vid la fatschada cun "Speiserestaurant Café Surselva Zimmer".
Aunc avon veva il Surselva in auter num. Strusch legibel sin la foto cheu sut. Sa zatgei evtl. co? Lu scrivi el commentari alla fin. Dretg dil Surselva il Hotel Oberalp, oz Alpsu.
Ozildi senumna il baghetg Pizzeria Surselva e sepresenta cun bialas flurs sils balcuns. Il balcun tort fa aunc adina parada amiez vischnaunca. E la schetga (uaul da schurmetg) para bunamein da vuler magliar en Mustér.
Il Surselva pli baul en dadens:
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.