Igl maletg mossa igl dasch da pasca scu el niva repartia ainten las casadas da Savognin. Igl dasch era digl aviez (Weisstanne). El niva decoro cun ena cruschetta da palmas ed ranto cun en bindel.

Agls scolars niva repartia mintgamai, tenor tratga da bistgetta, 5-8 casals. I niva piglia se mintgamai ena postaziun e tala niva dada anavant agls mattatschs gronds tgi vevan da pinar tals. Per chels da Surses era igl lia da pinar, igl gôt da Val Lunga a Casti.

Igls singuls daschs nivan decoros mintgamai digl unfant tgi veva la pustaziun. El era er responsabel tgi igl dasch niva banadia la dumengia da palmas. Igls furnitours digls daschs, pratadenvan ca. 20 raps per toc, tals nivan alloura spitschnias, decoros e preparos per igl destinatour. Tot tenor decor ni grad da parantella, purschivan alloura tals igl priesch final 50 raps per toc, chegl tgi dava alla finala en pitschen import da cassatga.