Il stgazi da John Peter Casanova - las istorgias (2)
Il stgazi da John Peter Casanova - las istorgias (2)
Ils films da Gion Peter Casanova èn ils pli vegls films da 35mm da la Surselva, maletgs unics dal mintgadi d’avant prest 100 onns. Uss èn las rollas da film digitalisadas e per l’emprima giada insumma san ins vesair ils maletgs.
Per exempel: la lavur da guaud en la Val Dadens da Silgin, ils umens che lavuran en las navadas cun tschop e chapè. U lura ils purs che vegnan l’enviern cun lur chargias da fain a val. In’autra sequenza mussa la processiun da perdunanza a Vrin, e grazia a Jovita Vincenz-Solèr èsi pussaivel dad identifitgar il plevon ed il mattet cun costum da mariner e chapè da strom.
Era en la Cadi ha Gion Peter Casanova filmà, numnadamain la bova da Zignau dal 1927. Tenor Oscar Nay da Zignau èn quests maletgs animads vegnids mussads en kinos americans.
En il film «Il stgazi da John Peter Casanova – Segunda part: las istorgias» mussan ils «Cuntrasts» ils films dal filmader da Vrin, commentads da persunas che han udì a raquintar da lezs onns sco era da spezialists per lavurs d’antruras e da vegls utensils agriculs.
Ein Film von RTR mit deutschen Untertiteln.
Part 1:
Collecziuns:
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.