En maletg idilig, la famiglia an pasch, fò marenda siva da straintga lavour segl pro. Ins veva peda! Partge ins veva pea! I niva luvro tot a mang, dalla dumang anfignen la seira. Las forzas corporalas eran dumandadas. En bung ritmus da lavour spargneva forzas. Sa farmar e far marenda tutgiva tigl ritmus. Cò veva er da funcziunar la logistica (la casarigna)! La dumang da bot saer, far sdratscha, volver, far panoglias (eventual heinzas), raschlar eventual far pons, ni carger direct.

Igl mettel da transport era la mandeira cun corna e betg ena maschina. Er schi igl pro era, scu cò segl manevel, gravageva ena dislocaziun a tgesa per la marenda, la lavour preveida. Oz strousch da simaginar - pero speisa e famiglia davan nov anim pigl dè.

Sen igl maletg da veir: fam. Peder Spinatsch – Frank , marenda segl pro a Sot Curtegns ca. 1935. d.s. Franz 26, la tatta Nina Frank 1886, igl tat Peder Spinatsch 1883 scolast, la feglia Maria 15 ed igl fegl Batist Spinatsch 11, ulteriouras parsungas betg ancunaschaintas. (ro)

Foto mess an dispusiziun René Spinatsch