Savognin - scola Grava 1954
Savognin - scola Grava 1954
Igl maletg mossa la canzung componeida per la festa dall’inauguraziun dalla Scola nova a Grava igl onn 1954. La scola nova è neida erigeida per sliier la mancanza da plaz. Diversas radunanzas communalas òn socuppo cun igl plazzamaint digl nov previa edifezi. Alla finala è nia tscharnia igl post da Grava agl fons dalla vischnanca. Chel post sa mossa anc oz scu perfetg per ena scola communala.
La scola è neida innaugurada festivmaintg igl aton 1954. La pressa locala ò rapporto surlonder. Igls costs per igl edifezi muntavan frs. 300'000.00. Scu Architekt digl edifezi bagn gartageia ò signia A. Thut da Klosters, tgi veva gist erigia la scola da Klosters. Dalunga on igls 169 scolars, primars e secundars digl cumegn da Savognin, catto dimora liaint. Displaschevlamaintg ò ins, ord muteiv da costs e necessitad tralaschea da biagier parallel er la sala polivalenta e da gimnastica. Chella è pir neida biageida 3o onns pi tard, igl onn 1985. Per en lia da turissem prest betg ancligibel.
La canzung, cun text digls scolasts, Bonifazi Plaz e Leza Scarpatetti è neida componeida da Franz Jörg, Domat/Ems. (ro)
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.