Jeu vai cumprau quella CD senza haver mai tedlau la gruppa. Jeu erel naturalmein spanegiaus! Jeu vai tedlau igl album non-stop! Sco ins vesa ha la CD biars tocs, entgins "live" auters "studio". Quei che ha plaschiu a mi da Caschiel Carnpiertg e Remiedi ei la varietad dil sound aschi sco era la musica sezza. Tocs sco "Bobby Gion", "Neu tier mei" ni "Slontsch Romontsch" (pre prender treis exempels...) ein tenor miu meini musicalmein divers mo tuttina clar "Caschiel Carnpiertg e Remiedi". Igl ei grev da gir quei ei miu toc preferiu... dependa empau dalla luna, neve?
Dil reminent.. la CD san ins aunc cumprar. Buc enzanua... leu denter las tumas da Domat dat ei aunc da quellas, ha in galiot getg a mi. Bellezia schenghetg per ils nostalgics, ils amaturs dil rock romontsch ni dalla musica en sesez. Recumandau!