Luzi Brüesch, piunier da la musica populara grischuna
Luzi Brüesch, piunier da la musica populara grischuna
15-04-1866, Passugg-Araschgen GR - 07-04-1946, Schiers GR
El ei naschì ad Araschgen sur Cuera, là ha el passenta quasi tut sia vita ed hachatta lavur sco musicant da bal e falegnam. Anc durant il temp da scola ha'l fatg musica cunr ses bab a nozzas ed autras festivitads. El sunava tant la gìa sco era pli tard la clarinetta tenor udida. Ensemen cun ses bab, (clarinetta), ses frar Gregor, (violina) ed in bassist ha el fundà 1892 la chapella Brüesch. Er sco cumponist è el sta zunt activ, dad el datti var 150 atgnas cumposiziuns.
Cun ina perseveranza surprendenta ha el cumenzà cun far musica (preschentaziuns da las 11 l'avantmezdi fin las 9 da l'autra notg na furmavan nagina raritad) ed è vegnì enconuschent tar in vast public da ses chantun d'origin sco en ils circuls da las uniuns grischunas da Turitg ed en auters lieus. Sia madirezza musicala ha el cuntanschì l'entschatta dals onns ventg, precis il 1. da matg 1921, cur ch'el sa preschenta per l'emprima giada «Ländlerkapelle Brüesch» cun: Luzi Brüesch, 1. clarinetta / Heiri Padrutt, 2. clarinetta / Hans Fischer, orgelet / Hans Majoleth (frar da Lorenz Majoleth), cuntrabass.
Ina posiziun speziala ha Luzi Brüesch er perquai ch'el è vegnì clamà ils 29 d'avrigl 1929 en in studio da registraziun. Sco emprima chapella grischuna han els registra plattas da grammofon. Dus da ses tocs enconuschents èn la «Mainesäss-Polka» ed il schottisch «Am Bündnerball in Zürich».
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.