Clavau a Sedrun
Clavau a Sedrun
Davontier flessegia il dutg dil vitg che spisgenta cheu igl emprem begl dil vitg. L'aua derivava giu dalla Val dils Bischels. Il dutg percureva gl'entir vitg ed ha furniu tutta aua enochen 1911, cu Sedrun ha baghegiau in aquaduct cun aua giu dalla Val Bugnei.
Il clavau ei ina construcziun dils onns che la vischnaunca ha pretendiu da far la part dil nuegls cun crap e magari era pilasters da crap en mintga cantun. Vegneva ei fatg cun crap, saveva il construider per part quintar cun ina bonificaziun. Quellas directivas han stuiu vegnir fatgas per spargnar lenna. Avon fuva l'entira construcziun pil pli da lenn. Il medem ei succediu cullas seivs da lenn. Era cheu ha la vischnaunca bonificau quels che fagevan mirs da crap.
Per in baghetg niev, clavau e nuegl, vegneva aschia concediu denter 40 e 60 quaders, aschia vegn nudau el cudisch da concessiuns da lenna dalla vischnaunca. Tier la construcziun vegneva ei pil pli era duvrau la lenna d'in clavau pli vegl. Cun far stem crodan en egl lenna pli veglia.
Mia damonda en connex cun l'erecziun d'in baghetg:
Conta lenna (buoras, quaders) duvrava aschia in tal baghetg?
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.