Marcellino Schmed

Tge fascinescha Vus vid la pagina nossaistorgia.ch?
Jeu sundel interessaus vida fotos veglias. Ellas documenteschan nossa historia ord il temps da nos antenats e co nossas cuntradas vesevan ora pli baul cumparegliau cun oz. Donn ei mo ch’enqualin metta buca in text tier las fotos publicadas sin nossaistorgia. Senza ina descripziun dalla foto di quei magari ora pauc ni nuot sur dil cuntegn da quella.

Pertge publitgais Vus documents sin nossaistorgia.ch?
Jeu saiel parter mias fotos veglias che jeu haiel rimnau ni survegniu cun auters. Biaras fotos haiel era en agens albums vegls da famiglia.

Co pudess ins motivar autra glieud da publitgar documents dal Grischun sin nossaistorgia.ch?
Gliez ei in tema pli difficil. Ei dat glieud che ha in conto sin nossaistorgia.ch e che publichescha mai zatgei. Forsa gidass ei da scriver inagada ni l’autra a quels commembers in email. Ni far reclama cun flyers e sils vecturs da RTR. Inserats en la quotidiana fuss era ina pusseivladad da far attent sin nossaistorgia.ch.

In tip da Vus per megliurar la pagina nossaistorgia.ch
Haver la pusseivladad da metter en pliras fotos sut il medem artechel. Sch’jeu haiel ina contribuziun nua che pliras fotos saudan vitier fuss quei ideal e l’entira contribuziun fuss sut in tetg. Bien fuss era da saver midar ora mo la foto tier ina contribuziun. Magari anfl’ins pli tard ina foto da megliera qualitad.