Lia Rumantscha
La Lia Rumantscha (LR) è vegnida fundada il 1919 sco organisaziun da tetg da tut las uniuns linguisticas rumantschas. La sedia principala da la LR sa chatta a la Via da la Plessur 47 a Cuira.
La LR cumpiglia las trais uniuns regiunalas Surselva Romontscha, Uniun Rumantscha Grischun Central ed Uniun dals Grischs, las quatter uniuns surregiunalas Societad Retorumantscha, SRG SSR Svizra Rumantscha, Uniun per la Litteratura Rumantscha, Giuventetgna Rumantscha e las duas uniuns extraterritorialas Uniun dals Rumantschs e da las Rumantschas en la Bassa e Quarta Lingua. La LR s'engascha per la promoziun dal rumantsch en tut ils secturs da la vita da mintgadi.
Entant ch'ella è stada occupada en ils onns 1919-80 surtut cun conservar l'existent e metter a disposiziun ovras da basa sco vocabularis e grammaticas, prosegua ella dapi ils onns 1980 ina promoziun linguistica pli offensiva. La LR sa finanziescha surtut cun contribuziuns fed. e chant. sco era da la vendita da cudeschs e portatuns, però era tras servetschs specifics sco translaziuns, lectorats e supports linguistics.
Erwin Ardüser 
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.