Il sessantotg en il Grischun 1968
L'onn 1968 vala sco l'onn da la revoluziun per tut il mund. Il moviment dal 68 cumpiglia surtut las activitads dals sanesters ch'era activs ils onns 60 dal davos tschientaner. Entschet ha tut en l'USA cun il cumbat dals afroamericans. Pli tard è il protest sa drizzà encunter la guerra en il Vietnam. L'unda da la revoluziun ha tschiffà ils medems onns l'Europa dal vest, suandada da l'Europa da l'ost cun ils stadis sut il reschim communist che pretendevan dapli democrazia.
E tge è capità il 1968 en il Grischun? Nossaistorgia.ch preschenta insaquantas perlas ch'èn vegnidas realisadas l'onn 1968 dal Radio e da la Televisiun Rumantscha. Plinavant fotografias ch'èn vegnidas fatgas da privats il 1968. Ils temas da las contribuziuns mussan ch'il moviment dal sessantotg n'aveva anc betg cuntanschì las muntognas grischunas.
Avais era Vus interessantas fotos, istorgias u eventualmain films da l'onn 1968? Lura plazzai quest material qua en quest dossier per cumplettar nossa istorgia dal Grischun.
Radiotelevisiun Svizra Rumantscha 
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.