Teisser
Teisser
La foto muossa in tipic taler tuatschin a Rueras en casa da Giachen Fidel Berther-Loretz. Al taler sesa sia feglia Rosa Hendry-Berther (1925-2014).
Teisser
Avon che teisser steuva vegnir urdiu. Fuva quella lavur finida havevan ins duas bialas terscholas ni cadeinas da fils. Quellas vegnevan cavegliadas en la gliesta da lenn davos il taler, lu vegnevan 4-6 fils mess el risti. Ussa duvrava ei 4 gidontras per saver trer si la teila. Era ei aschi lunsch, preparava ins ils glietschs, 2 ni 4. Era tut aschi lunsch, stuevan ils fils vegnir tratgs cun in special crutsch atras ils «egls» (las ruosnas els glietschs). Era quella lavur finida, montavan ins la cassa cun il petgen da teila vi sin il taler e puspei cun il crutsch special treva ins ils fils tras il petgen da teisser. Ins haveva da quei da 280-780 fils, dependeva tgei ch'ins vuleva teisser: batlinis, schigentamauns ni teppis. La davosa lavur era ligiar ils fils davon il taler. Ussa saveva ins per entscheiver a teisser. (Barla Monego-Venzin)
Nossa vita: in tschientenari istorgia svizra en maletgs
historiaHelvetica - la pagina tetgala ... Nus avain dapli che mo ina istorgia, nus avain las istorgias da tut quels e quellas che fan e ch’han fatg la Svizra. historiaHelvetica.ch porscha ina survista da la vita quotidiana en Svizra sur passa in tschientaner. Il material d'archiv deriva da las quatter plattafurmas: nossaistorgia.ch, notreHistoire.ch, lanostraStoria.ch e unsereGeschichte.ch.