Men Rauch, il pes-chader - Quist pes-chader, sper la punt da Tulai, ingio cha la Clemgia sbocca aint il En, es Men Rauch, intuorn l'on 1960. El ha üna percha moderna per quella jada: üna percha da bambus cuorta «Tonking» d’ün meter e 50.

Il poet ladin Men Rauch es nat dal 1888 e mort dal 1958 a Scuol. El ha lavurà sco geometer, indschegner, commissari da la pulizia e redactur. Dal 1926 fin 1938 e’l stat president cumünal da Scuol. Blers ons ha’l scrit per la «Gazetta Ladina» e per il «Fögl Ladin». Men Rauch es stat poet, raquintader, cabarettist e trubadur. El ha scrit raquints da chatscha in stil popular («In bocca d'luf», 1941), anecdotas («Fanzögnas da Calögnas», 1955) e poesias umoristic-satiricas («Il battaporta», 1944). El ha creà ils programs da cabaret «La Panaglia» (1951) e «La travaglia dal docter Panaglia» (1954), insembel cun Jon Semadeni e Cla Biert, ed ha scrit las collecziuns da biografias «Homens prominents ed originals»sco era il gieu al liber «La chanzun da la libertà» (1952).