Suenter ch'il glin ha piars las borlas entras sburlar vegn il glin puzzaus. Mintga vitg, mintga pur, veva siu liug da puzzar. Cheu succeda quei giu las Vals da Sedrun entras Teofil Schmid. Per lumiar endretg ils costs zaics duvrava ei aschi 3-4 jamnas!

Puzzar

Fuva il glin sburlaus vegneva ei fatg monas, las qualas ins ligiava cun finas tortas. Pertgei cun tortas? Ligiassen ins cun il glin sez, dessen las monas dapart suenter il puzzar. Puzzar vul dir, ins caveglia las monas en in puoz, suravi aissas e crappa, lu mirar che tut seigi cuvretg bein cun aua. Da gliez temps possedeva mintga pur in ni dus puozs. Treis jamnas ruassava 1l glin lien. Jeu seregordel aunc bein, sch'ei fuva bial' aura, stuevan nus affons ir ora sils puozs (quei fuva si Flurin (sur Rueras)) e mirar ch'ei seigi avunda aua lien. Cass cuntrari alzav'ins si l'aissa ni il crap che stuppavan il dutg e lu schar ir en aua. En quellas treis jamnas lumiava il cost dil glin. Lu vegneva il glin tratgs ord il puoz. Ei vegneva aunc fatg ina controlla avon, schebein il glin seigi puzzus avunda. Jeu audel aunc oz la mumma a schend: «O lein aunc schar el 2-3 dis». Lu fuva ei aschi lunsch ch'il glin vegneva tratgs ord il puoz. Las monas stattan aunc si dretg (a runa) tochen l'auter di per schar digrar giu |'aua.

(Barlo Monego-Venzin)

Cheu tschenta la Tresa Berther ils costs dil glin el puoz. Cun aissas e crappa vegn il glin smaccaus giuaden ell'aua.

(Foto el Museum La Truaisch, Sedrun)

Il vocabulari sursilvan noda:

puzzar, (Flachs, Hanf) in die Wasserröste legen. – il glin sto star quater jamnas en puoz per puzzar endretg, der Flachs muss vier Wochen in der Röste liegen, um richtig zu verrotten; il glin ei puzzaus, der Flachs ist eingeweicht.